الآسكا

حاجة من اتنين. يا إما عندكم تلاجة أو فريزر ألاسكا في البيت أو شوفته في مكان ما عند قرايبك أو حتى في سوبر ماركت اللي تحت بيتكم المهم إن تلاجات وأجهزة الفريزر ألاسكا غالبًا مرت عليك في حياتك والانتشار ده يدل على النجاح والجودة. ألاسكا شغالين في مجال التلاجات والتبريد من سنة 1978 يعني الناس دي عارفة شغلها كويس وهي شركة مصرية 100% ودلوقتي ألاسكا مش بس موجودة في البيوت المصرية لكن كمان اتصدرت للخليج والدول العربية وليهم خدمات صيانة وخدمة في جميع أنحاء الجمهورية. ألاسكا منتجاتهم كتير زي التلاجات اللي بباب واحد وتلاجات بباين وتلاجات المكتب الصغيرة والميني بار والفريزر وفريزر الآيس كريم وحنفيات الميه وتلاجات الحاجة الساقعة. الموقع عليه قائمة بمراكز خدمة العملاء وقائمة تانية فيها الموزعين الرسميين. وفيه كمان قسم مهم جدًا وهو قسم الأسئلة الشائعة واللي بيجاوب على أسئلة المستخدمين المتكررة في جزء التعامل مع الأجهزة وكيفية تشغيلها وتصليح الأعطال البسيطة. المنتجات معروضة بأسعارها وصورة واضحة ليها وتفاصيل عن أبعادها وألوانها وتقسيمتها. وللتسوق على الموقع لازم يكون ليك حساب على الموقع.