جوميا جلوبال

جوميا جلوبال هو متجر إلكتروني بيتيح إمكانية شراء منتجات من بائعين من مختلف أنحاء العالم. بعد الطلب عن طريق جوميا جلوبال، بتوصل جوميا مصر الطلب لحد العميل. جوميا جلوبال بتعرض منتجات متنوعة زي الموبايلات والتابلت، والإلكترونيات، ومنتجات المنزل والمكتب، ومنتجات الصحة والجمال، والأزياء الرجالي والحريمي، والأحذية الرجالي والحريمي. وأجهزة الكمبيوتر، ومنتجات العناية بالأطفال، ومنتجات البقالة، والسيارات، والإكسسوارات وخدمات دفع الفواتير وشحن الرصيد وغيرها من منتجات. منتجات جوميا جلوبال سهل التعرف عليهاـ عشان بيكون عليها علامة "شحن من خارج البلاد" وبيكون عليها "لوجو جوميا جلوبال" تحت اسم المنتج. عادةً الضمان بتاع المنتجات اللي بيعرضها جوميا جلوبال بيختلف من منتج للتاني، وممكن اللغة اللي مكتوب بيها دليل المستخدم والتعليمات وتحذيرات الاستخدام تكون مختلفة. سعر المنتج بيتضمن مصاريف التخليص الجمركي والشحن الدولي، لكن جوميا جلوبال بتحمي العميل من إعادة التقييم المحتملة لمصاريف التخليص الجمركي. أحيانًا بيكون فيه بعض رسوم الشحن الداخلي اللي بتختلف باختلاف العنوان. الدفع ممكن يتم بالجنيه المصري عن طريق طرق الدفع الإلكترونية المختلفة المتاحة على جوميا، ولكن جوميا جلوبال مش بتتيح طريقة الدفع عند الاستلام. بمجرد شحن الطلب، بيكون من المستحيل إلغاءه لإن في الوقت ده بتكون عملية الاستيراد بالفعل بدأت. الوقت المتوقع لتسليم كل منتج بيختلف وبيكون متوضح في صفحة المنتج تحت اسم البائع. الجدول الزمني للتوصيل بيتضمن أيام العمل الرسمية بس، وده معناه إن أيام الأجازات الأسبوعية وألإجازات الرسمية مش بتتحسب. والإطار الزمني للتوصيل بيتضمن وقت تجهيز الطلب، ووقت الشحن الدولي لمصر، ووقت التخليص الجمركي جوه مصر، وأول محاولة توصيل للطلب للعميل. جوميا جلوبال بتتيح للعميل فرصة إلغاء الطلب في حالة عدم توصيل الطلب في ميعاده. وفي أي وقت جوميا جلوبال بتتيح للعميل فرصة تتبع طلبه عن طريق الموقع عبر رقم الطلب والبريد الالكتروني زي أي طلب عادي. كل المنتجات اللي بتُشحن من برة مصر بتُشحن بدون أي تكاليف إضافية. جوميا جلوبال بتتيح للعميل إعادة المنتج في حالتين، إذا كان فيه عيب أو إذا كان المنتج مختلف عن المطلوب.