ذا مكان

يمكن الموقع ده هيكون الموقع الأحب للستات والبنات في مصر وخصوصا ستات البيوت لأنه بيجمع بين ادوات المطبخ والديكور والشنط الحريمي. هي تشكيلة غريبة شوية لكن مش غريبة للستات اللي بيحبوا الحاجات دى اوي. ذا مكان بدأ في 2013. والفريق اللي شغال في ذا مكان بيميزهم انهم بينقوا كل قطعة بيعرضوها للبيع قطعة قطعة بنفسهم سواء أدوات المطبخ والأجهزة أو الشنط الحريمي أو الهدايا. فيه منتجات للمطبخ وللحمام واكسسوارات للديكور و قسم خاص للأطفال ومنتجاتهم وهدايا ظريفة زي أطقم للخياطة والتطريز أو اكسسوارات وعلب للاكسسوارات اللي صعب تلاقيها بره في المحلات وكمان قسم الشنط الحريمي اللي فيه ماركات كتير زي Bimba&Lola, Desigual, Karen Millen, BEBE, United Colors of Benetton. لما تدخلي على ذا مكان هتلاقي معظم المنتجات عليها خصومات والخصومات بتاعة ذا مكان خصومات حقيقية بتوصل لأكتر من نص التمن. ذا مكان شغالين من الحد للخميس من الساعة 10 الصبح لحد الساعة 8 بالليل تقدر توصلهم بالتليفون أو الايميل أو حتى كمان على الواتساب. لكن طبعا الأسهل والأريح هو التسوق أونلاين. وعشان تشتري أونلاين الموقع بيقدم لك خطوات سهلة بسيطة. اول خطوة للتسوق على النت هي انك تعملي حساب عندهم تسجلي فيه بياناتك، تاني حاجة تختاري المنتج اللي عايزاه وتضيفيه لعربة التسوق، بعد كده تتممي على عملية الشراء كلها وتختاري الجهة الخيرية اللي هتتبرعي لها بجزء من المبلغ اللي دفعتيه في المنتج بدون أي زيادة على سعر المنتج الأصلي واخيرا التوصيل لحد باب البيت لأي مكان في مصر والتوصيل بياخد يوم أو يومين للتوصيل. والدفع عند الاستلام. وعندهم في ذا مكان سياسة استرجاع للمنتج ببلاش. تقدري ترجعي المنتج في خلال 5 أيام بالكتير من تاريخ الشراء لو مر أكثر من 5 ايام ممكن ترجعيها لكن بغرامة تأخير واقصى ميعاد لترجيع الطلب هو 14 يوم. ولازم طبعا يكون المنتج في حالته الأصلية ومحصلوش أي استخدام ويكون المنتج في علبته الأصلية. الموقع بتاع ذا مكان سهل ومنظم بحيث تقدري تتسوقي أونلاين بسهولة. وكل منتج له صور تفصيلية ووصف كامل وسعره والبراند بتاعته وحالته إن كان موجود في الوقت الحالي أو لأ. وتحت كل منتج اقتراحات لمنتجات تانية مناسبة ليه.