فاتريناز

فاتريناز محل اكسسوارات وأحذية وشنط ولبس وكل حاجة ليها علاقة بمظهرك. الأذواق على فاتريناز متنوعة جدًا وشاملة حاجات كتير وصعب تخرج من الموقع من غير ما يعجبك حاجة. في فاتريناز هتلاقي أحذية وشنط وساعات واكسسوارات وملابس. وكل قسم من دول جواه أقسام تانية يعني تحت الأحذية مثلًا هتلاقي أحذية حريمي وبوتات وأحذية جري وأحذية رياضية وغيرها. كمان عندهم برفانات وقطع ديكور للمنزل ومنتجات عناية بالجمال زي الكريمات وغيرها. الموقع متوافر باللغتين العربية والانجليزية وتقدر تختار إن كانت الأسعار تظهر لك بالدولار أو الجنيه المصري. طرق الدفع المتوفرة في فاتريناز هي التحويل البنكي أو الدفع كاش عند الاستلام أو الدفع بالكريدت كارد. توصيل الطلبات ممكن ياخد من 7-11 يوم عمل ولو حصل تأخير في توصيل الطلب هيتعملك خصم على قيمة المنتج والتوصيل بيوصل لكل حتة في مصر. لأن المنتجات على فاتريناز جاية من بلاد مختلفة زي أمريكا وكندا وغيرها فهتلاقي إن الموقع عليه دليل للمقاسات عشان يترجملك المقاسات الأجنبية بالمقابل المصري ليها. فاتريناز مش بس عليه ملابس حريمي لكن كمان عليه ملابس رجالي. عشان تتسوق على فاتريناز محتاج تعمل حساب ببياناتك الشخصية. ولو اشتركت في النشرة البريدية هتاخد كوبون بـ 100 جنيه مصري تصرفهم على المنتجات في فاتريناز.