بال ماسكيعتبر Bal Masqué هو المكان الحصري اللي تقدر تشتري من خلاله أزياءك التنكرية ومستلزمات حفلاتك في القاهرة،وده لأنه بيقدم أكبر تشكيلة من أزياء التنكر والإكسسوارات أونلاين بجودة عالية، وكمان تقدر تشتري من خلاله كل المستلزمات اللي ممكن تحتاجها عشان تعمل حفلة تكسر الدنيا.
الموقع بتاعهم بيقدم أزياء تنكرية للبنات، الأولاد وكمان الأطفال، إكسسوارات، شعر مستعار ومستلزمات الحفلات من زينة وخلافه. مش بس للهالويين لكن كمان لأي حفللت تنكرية طول السنة، من مقاسات الأطفال للمقاسات الكبيرة، كل قطعة بيكون في منها عدد محدود عشان تضمن تميزك في أي حفلة. تقدر تعمل الأوردر بتاعك أونلاين وهيوصلك لحد باب بيتك في أي مكان في الجمهورية.
بعد ما تستلم إيميل تأكيد الأوردر، بيتجهز في خلال 24 إلى 48 ساعة، بعدها بيتشحن للمكان اللي انت فيه على طول، الاستلام بيكون في خلال يوم إلى 3 أيام عمل في القاهرة، 2 إلى 4 أيام عمل في الإسكندرية أو المدن الجديدة. خد بالك إن أي أوردر بيتعمل بعد الساعة 3 عصراً بيتسجل اليوم اللي بعده.
سياسة الاستبدال والاسترجاع بتاعت Bal Masqué صعبة شوية، هي مش بتبدل أو تسترجع أي منتج إلا لو فيه عيب أو مشكلة، عشان كده لازم تركز كويس وانت بتختار المقاس وتتأكد من إنه مظبوط ومناسب ليك.
تقدر تتواصل مع Bal Masqué عن طريق الإيميل على Info@balmasquecostumes.com، أو تتصل بيهم على 7711 538 0100 من الساعة 11 صباحاً للساعة 7 مساءً. |