باي أند إيرن

Buy and Earn هو موقع لشراء الأجهزة الإلكترونية علي النت زي الموبايلات واللاب توب والكاميرات وغيرها كتير. عندهم برده أجهزة الكترونية جديدة وغير مألوفة زي مثلاً مراية بجهاز استشعار بتنور لما حد يبُص فيها ودُش فيه سماعات بلوتوث. من ضمن الأجهزة اللي ممكن تشتريها من على الموقع ماكينات حلاقة وأجهزة تصفيف الشعر وساعات يد رجالي ونسائي. وتقريبًا كل الأجهزة عليها سنة ضمان. موقع Buy and Earn بيوفر لعملائه خدمة التوصيل للمنازل، كل اللي عليك تعمله إنك تعمل حساب على الموقع وتتسوق براحتك. ممكن تدفع نقدًا عند الاستلام أو بكارت الائتمان أو ممكن تقسط المبلغ على كذا شهر بفوائد. بالنسبة للتوصيل جوه القاهرة فالموضوع بياخد من يوم لثلاثة أيام وبيتضاف 25 جنيه مصاريف التوصيل. أما لو لخارج القاهرة فممكن ياخد لحد 5 أيام ومصاريف التوصيل بتبقي حسب المكان. Buy and Earn عاملين فكرة جديدة لعملائهم عشان يفضلوا متفاعلين مع الموقع وهي إن كل ما تُنشر علي صفحتك على فيسبوك لما تشتري من الموقع ولما تبعت لأصحابك عشان يتعرفوا على الموقع، أنت بتاخد تخفيضات أكتر. وبعدين بتجمع نُقَط بتتحول لفلوس ممكن تشتري بيها من على الموقع أو تُطلُب إنها تجيلك بشيك على البيت.