فيوتشر إلكترونيكس

Future electronics Egypt هو موزع المكونات والقطع الالكترونية الأشهر بين المهتمين بالمجال ده في مصر سواء كانوا طلبة جامعات أو غاويين أو محترفين. Future electronics Egypt كسبوا سمعة كويسة في مصر لأنهم الأكثر كفاءة فعلا في توصيل وتوزيع الالكترونيات. أيا كان طلبك هتلاقيه عندهم سواء كان دواير كهربية أو مواتير أو مجسات أو موديلات أو ترانزستور أو موصلات أو وحدات تحكم أوكابلات أو أسلاك. Future electronics Egypt فخورين انهم موزع معتمد لاردوينو الإيطالي في مصر. أسعار القطع بتكون في حدود المعقول والتوصيل بيكون تاني يوم على طول في أغلب الأحيان لو عملت الطلبية بتاعتك قبلها بيوم قبل الساعة 2 الظهر. وكحد أقصى توصيل الطلبية بياخد 3 أيام. التوصيل لحد باب بيتك. شعارهم في Future electronics Egypt هو "احنا مش بس بنشتغل لكن كمان بنستمتع بشغلنا" وعشان كده هدفهم إن السوق المصري يكون فيه آخر الموديلات من المنتجات دي. Fut-electronics.com هو الموقع بتاعهم واللي هتلاقي عليه كل المنتجات اللي عندهم بمواصفات كاملة واستخدامات وصورة للمنتج وطبعا السعر وهتلاقي في المواصفات كمان ملاحظات عن طريقة الاستخدام الصح لتجنب حدوث اخطاء أو خساير. استخدام الموقع سهل لأن كل منتج مكتوب اسمه بوضوح وصورته ومواصفاته وسعره ولما تختار المنتج اللي محتاجه بيتضاف في عربة التسوق ومنها تقدر تراجع طلبك. والدفع عند الاستلام. كمان على الموقع هتلاقي سياسة الشحن واللي بتوفر شحن ببلاش للطلبيات اللي أسعارها 1000 جنيه فيما فوق. كمان تقدر تتابع على الموقع بعد استلام طلبك ولمدة تلات أيام لو عندك تعليق على المنتج أو الخدمة. أما عن الاسترجاع أو الاستبدال فلو المنتج فيه مشكلة فعلا Future electronics Egypt هتتحمل مصاريف الشحن. جزء مهم جدا على موقعهم هو جزء خدمة العملاء واللي بيظهر لك مسميات الحالات المختلفة للطلبية ودليل كامل للشحن والجمارك للأجزاء اللي جاية من بره مصر وكمان طرق الدفع.ولو طلبك مش موجود عندهم أو خلصان تقدر تبعت لهم ايميل بطلبك وهما هينبهوك بمجرد وصول شحنة جديدة. Future electronics Egypt موجودين في القاهرة وكمان ليهم فرع في اسكندرية ومواعيد شغلهم كل يوم من 10 الصبح ل 9 بالليل. ورغم وجودهم بس في القاهرة واسكندرية إلا انهم بيوصلوا تقريبا لكل محافظة في مصر وعلى موقعهم الالكتروني هتلاقي أسعار الشحن لكل محافظة.