إن & أوت

اسم In & Out Furniture فعلاً بيعبر عن المنتجات اللي بيقدمها المحل! In & Out Furniture عنده كل حاجة ليها علاقة بالأثاث سواء الخارجي أو الداخلي وكمان غرف النوم، غرف السفرة، غرف الجلوس، ومستلزمات ديكور البيت. المحل عنده 13 فرع في أنحاء مصر، في القاهرة والغردقة وشرم الشيخ والإسكندرية. موقع In & Out Furniture عنده مميزات كتير لمساعدة العملاء. عندهم خريطة بتوضح كل فروع المحل عشان تقدر تعرف مكان أقرب فرع ليك. In & Out Furniture عندهم مجلة على الموقع عليها مقالات عن كيفية تنظيف الأثاث وطرق لترتيب ديكور البيت وغيرها من المقالات المفيدة. عندهم برضه خاصية بتسمح لك تشوف شكل الأثاث علي حسب قياسات الغرفة بتاعتك عشان تقدر تشوف شكله من حيث اللون والحجم. كل منتجاتهم موجودة على الموقع بصورة المنتج وسعره وكمان قياساته (طول وعرض...إلخ) عشان تقدر تختار اللي هيناسب بيتك. لو لقيت منتج زي اللي عندهم بالظبط في محل تاني بس سعره أقل، بتبعتلهم ايميل وهما، "هيتحدوا أي سعر مُنافس"، زي ما الموقع بتاعهم بيقول. كل منتجات In & Out Furniture عليها ضمان 3 سنوات. ممكن تشتري اللي أنت عايزه من على الموقع ويوصلهولك البيت في أي حتة في مصر. مصاريف التوصيل بتختلف حَسَب المحافظة وقُربها من مكان المحل الموجود هناك. بالنسبة لطرق الدفع فممكن تدفع أونلاين على الموقع أو بتدفع بكارت الائتمان عند الاستلام. المحل بيقبل كروت فيزا وماستر كارد. ممكن تسجّل ايميلك على الموقع ويجيلك كل منتجاتهم وعروضهم الجديدة أول بأول. ممكن برضه تتابع In & Out Furniture على مواقع التواصل الاجتماعي زي فيسبوك وتويتر ولينكد إن عشان تعرف كل أخبارهم.