آي تي هوليكس

Itholix بيستهدف المهتمين بالتكنولوجيا في مصر. الموقع بيقدم معلومات في مجال تكنولوجيا المعلومات وكمان منتجات للتسوق أونلاين. Itholixتابع للشركة الهندسية تك اللي بدأت من سنة 1989. الموقع متقسم على حسب نوع العميل سواء كان شخص واحد أو شركات كبيرة أو صغيرة. وكمان متقسم على حسب الماركات. هتلاقي في Itholix أسماء لماركات كبير زي acer, Intel, apple, Asus, HP و غيرها كتير. ومش بس عليها أجهزة كمبيوتر ولاب توب لكن كمان عليه كاميرات بالملحقات بتاعتها. عندهم سياسة للشحن والاسترجاع. لو فيه مشكلة في المنتج ممكن تتواصل مع Itholix خلال اول 3 أيام من ساعة الشراء وهما هيبعتوا المنتج لقسم الصيانة عشان يصلحوا العطل. Itholix بيقولوا على موقعهم انهم مسئولين بس عن جودة خدمة التوصيل لكن ملهمش دعوة بجودة المنتج نفس لأنه جاي من المصنع وهما بس وسيط. Itholix هيوصلوا المنتج لمكانك ولو حصل انك فوت ميعاد التوصيل هييجوا تاني مرة ببلاش. Itholix مش بيقبلوا أي مرتجعات لمنتجات تم فتحها أو مش في حالتها الأصلية. المنتجات على Itholix ليها صورة ووصف كامل لكل مواصفاتها ومكتوب جنبها سعرها. عشان تتسوق على موقع itholix لازم يكون ليك حساب على الموقع. طريقة الدفع بتكون عن طريق كروت الماستر كارد أو كروت البنك العربي الإفريقي الدولي.