سامسونج ديجيتال شوب

سامسونج اسم كبير مش محتاج تعريف لكن يكفيك تعرف إنهم بقالهم أكتر من سبعين سنة في مجال التكنولوجيا والأجهزة الإلكترونية وأشهر منتجاتهم الموبايلات اللي حققت ومازالت بتحقق نجاح كبير جدًا. سامسونج أصلًا ماركة كورية الصنع. لكن سامسونج ليهم منتجات أكتر وأشمل من الموبايلات. وعشان تشوفها بنفسك ممكن تدخل على موقعهم الرسمي. الصفحة الأولى مليانة منتجات كتير زي الموبايلات والسماعات والساعات والتابلت والتلفزيونات وغيرها. الموقع كبير جدًا ومتقسم أقسام كتير زي قسم الأجهزة المنزلية والمسرح المنزلي والكاميرات الرقمية والاكسسوارات وغيرها من المنتجات اللي هتتفاجئ إن سامسونج بتنتجها بصراحة صعب تفكر في جهاز ومتلاقيهوش على الموقع. التسوق ممتع على موقع سامسونج فمثلًا لو كنت محتاج تشتري غسالة ملابس هتحدد الأول اللون وإن كان التحميل فيها من فوق أو من الأمام وهتشيل كام كيلو غسيل وهكذا لحد ما توصل لطلبك بالظبط. والأجهزة كلها ليها صور تقدر تشوفها بوضوح وكمان مكتوب جنبها مواصفاتها وألوانها المتوافرة ولما يعجبك منتج هتلاقي اختيار إنك تلاقيه في اقرب موزع محلي قربك والموقع بيعرض لك خريطة تختار منها مكانك وسامسونج تحدد لك منين تقدر تشتري المنتج. فيه قسم مهم جدًا على الموقع وهو قسم العروض وكمان فيه قسم للدعم واللي بيكون عليه أسئلة متكررة ليها علاقة بمنتجات سامسونج وكيفية التعامل معاها بشكل يحقق أحسن نتيجة. وعمومًا لو واجهتك مشكلة في استخدام المنتجات تقدر تكلم سامسونج على التليفون أو الشات أو البريد الإلكتروني أو توصل لأقرب مركز خدمة. وعلى الموقع كمان دليل لأقرب فروع سامسونج المعتمدة.