سبورت لاينسبورت لاين واحد من الرواد في مجال المنتجات الرياضية في مصر وشغالين في المجال من سنة 1990. وهو الموزع المعتمد والوحيد في مصر للبراند الأسترالية Rip Curl المتخصصة في ملابس التزحلق على المياه وملابس السباحة والشواطئ بشكل عام وملحقاتها. الأقسام على الموقع متنوعة بشكل كبير جدًا وبتشمل منتجات اللياقة والأجهزة الرياضية زي المشاية الرياضية والعجلة الثابتة وأجهزة المساج والتجديف والعجلات والكرات المختلفة وملحقات لعبة كرة الطاولة والملابس المختلفة سواء تي شيرتات أو بنطلونات وملحقات الرياضات المائية بكل أشكالها. يعني من الآخر صعب جدًا تحتاج أي منتج رياضي ومتلاقيهوش عند سبورت لاين. الماركات اللي بيتعاملوا معاها بتشمل: activ, Adidas, Dunlop sport, Kettler, JanSport, Melton, Wilson وغيرها.المنتجات بيتم شحنها من خلال خدمة الشحن UPS وتكلفة الشحن بتختلف على حسب وزن الشحنة. تقدر تدفع على طول عند الاستلام أو من بطاقات الفيزا أو الماستر كارد أو أمريكان إكسبريس أو ديسكفري أو عن طريق باي بال والطلبات بتوصل خلال يوم أو تلات أيام بالكتير ولو مش راضي عن الطلب تقدر ترجعه مجانًا خلال 7 أيام. |