تكنو ستورزي ما اسمهم مبيّن، تكنو ستور عنده كل حاجة لها علاقة بأحدث الأجهزة الإليكترونية. هدفهم إنهم «يغيّروا ثقافة استخدام التكنولوجيا في مصر فتبقي التكنولوجيا غاية مش وسيلة» ودا زي ما الموقع بتاعهم بيقول، وعشان كده تقدر تتأكد إنهم مش بيهزروا في شغلهم. تكنو ستور بيقدم كل الأجهزة الإليكترونية اللي ممكن تحتاجها زي الموبايل، واللاب توب، والأجهزة اللوحية (التابلت)، والساعة الذكية، وألعاب الفيديو، والسماعات، والإكسسوارات الإليكترونية. تكنو ستور بيتعاملوا مع أشهر الماركات في مجال الإلكترونيات زي سوني، وسامسونج، ومايكروسوفت، وسكال كاندي، وأبل وغيرهم كتير. كل اللي عليك تعمله إنك تُنشئ حساب بالإيميل بتاعك وتبتدي تتفرج أونلاين على الحاجات اللي محتاج تشتريها. الموقع بتاعهم على طول بيعمل تخفيضات وعروض كويسة. بالنسبة لطرق الدفع والتوصيل، ممكن تدفع نقدًا عند الاستلام والتوصيل بياخد من يومين إلى سبعة أيام ما عدا الجمعة، التوصيل ببلاش للعملاء داخل القاهرة. مكتب تكنو ستور موجود في 17 سيتي بلازا مول في التجمع الخامس بالقاهرة الجديدة. عشان تعرف آخر أخبارهم، ممكن تتابعهم على مواقع التواصل الاجتماعي زي فيسبوك، وتويتر.
|