فيزفون

فيزفون هو موقع تسوق الكتروني مصري عليه منتجات الكترونية زي الساعات والكاميرات وأجهزة الكمبيوتر والأجهزة المنزلية والتلفزيونات والموبايلات وأجهزة التابلت والاكسسوارات وغيرها، كل المنتجات عليها ضمان لمدة 30 يوم ويمكن استرجاع المنتج خلال الفترة دي. أسعار المنتجات معروضة بالجنيه المصري. البراندات على فيزفون كتيرة وصعب تفكر في براند متلاقيهوش على فيزفون. هتلاقي مثلًا Acer, Apple, AutoDesk, Ariston, Asus, Benq, Dell, Fujitsu وغيرها. معظم المنتجات على الموقع أسعارها تشمل مصاريف التوصيل لكن الموضوع مش بيمشي على كل المنتجات وكمان الأمر بيختلف لو المكان بعيد جدًا عن مكانهم في الدقي في القاهرة وهيكلف التوصيل أكتر من 100 جنيه مصري، التوصيل جوا القاهرة بياخد حوالي 24 ساعة وبيكلف حوالي من 30 لـ 70 جنيه مصري. أما التوصيل خارج القاهرة فبياخد يومين تقريبًا باستثناء أيام الجمعة والأعياد طبعًا، والتوصيل بيكلف حوالي 50 لـ 100 جنيه. فيزفون بيقدم كمان قسايم شراء تقدر تقدمها كهدايا لحبايبك يشتروا بيها اللي نفسهم فيه من الموقع وتقدر تحدد قيمة القسيمة كام بالظبط وكمان مناسبة الهدية. فيه كمان على الموقع قسم الـ specials واللي فيه عروض خاصة على الأسعار. المنتجات على الموقع ليها صورها وأسعارها وطرق الدفع المناسبة وكمان مواصفاتها وتقدر تقارن بين أكتر من منتج أو تضيف المنتج لقائمة الأمنيات. الدفع عن طريق الفيزا وأمريكان اكسبريس وماستر كارد وباي بال وفوري وwallety والتحويلات البنكية وأميكس. فيزفون موجودين على فيسبوك وتقدر تتواصل معاهم بسرعة وكمان ممكن تشترك في النشرة البريدية عشان تعرف آخر أخبارهم وعروضهم.