فودافون

لكل مستخدمي فودافون، الموقع بتاعهم عنده كل اللي تحتاجوه! الموقع سهل في الاستخدام وبيوفر خدمات متنوعة. هتلاقي عليه أحدث عروض الخط والكارت زي فودافون Red . هتلاقي برضه كل المعلومات عن خدمات وعروض الأنترنت وتقدر تشترك في العرض اللي يناسبك من خلال الموقع. تقدر برضه تظبط الكول تون بتاعتك وتخليها أغنيتك المفضلة. برضه من خلال الموقع، تقدر تشترك في خدمة الرسائل اليومية عشان يوصلك أحدث أخبار السياسة أو الرياضة أو الدين أو الترفيه أو قرارات الحكومة. عندهم كل قنوات الأخبار زي المصري اليوم وبي بي سي وسكاي نيوز والجزيرة وغيرهم كتير. ممكن برضه تختار يجيلك رسائل عن أحدث تعليقات وآراء الشخصيات العامة اللي أنت بتابعها زي إبراهيم عيسى وبلال فضل وأحمد المسلماني وغيرهم. من خلال الموقع تقدر تحمل تطبيق "أنا فودافون" اللي بيخليك تشوف فاتورتك في أي وقت وتشحن رصيدك وترفض مكالمات مش عايزها وكمان تعرف أقرب فرع فودافون ليك. التطبيق ده متوفر لآي فون وأندرويد وبلاكبيري ونوكيا. من خلال الموقع برضه تقدر تشحن رصيدك بكارت شحن أو ببطاقة ائتمان. الموقع بيبن لك الأماكن في القاهرة اللي فيها فودافون انترنت ببلاش وإزاي تدخل عليه. فودافون بتوفر لعملائها أحدث العروض علي أجهزة الموبايل والتابلت والراوتر والأكسسوارات الإليكترونية وتقدر تشتريها أونلاين. ممكن تاخد تخفيض لو معاك نقاط من فودافون Red. الموقع عليه رابط لكل إعلانات فودافون من خلال قناتهم على يوتيوب. عايز تبقي جزء من فريق عمل فودافون؟ الموقع بيقدم لك كل المعلومات عن فرص العمل المتوفرة وفرص التدريب وبرامج تدريب الخريجين عندهم. من ضمن الخدمات المتعددة اللي فودافون بتقدمها هي إنك ممكن تتصل بيهم وتعرف معلومات عن إجراءات الفيزا لو أنت مسافر. تقدر برضه تعرف معلومات عن فودافون كاش، اللي بيخليك تبعت فلوس لأي مستخدم فودافون في أي حتة في مصر. الفلوس دي برضه تقدر تستخدمها في شحن الرصيد أو دفع الفواتير. وتقدر برضه تعرف معلومات عن خدمات التجوال لو أنت مسافر.