Reviews of Fresh Air Fryer Fresh 1800 Watt

• 

  أمنية عزمي

  (2 years, 6 months ago)

  جبت قلاية فريش ال 1800 واط وتجربتي معاها كانت كالتالي، أولا كل جزء فيها بيتفك علشان يتغسل ودي حاجة حلوة، قوتها 1800 واط كويسة جدا وبتسخن بسرعة، الحلة الداخلية بتلف علشان تساعد على تقليب الأكل، السعة الداخلية 5.5 لتر لكن مش كبيرة مقارنة بحجم القلاية الخارجي، فيها 8 برامج بإمكانيات عبارة عن قلي وخبز وشوي وتحميص وبالتالي بتنوع الوجبات فيها زي البطاطس المحمرة والفراخ المشوية والمخبوزات والمافن بشكل صحي لذيذ وسريع، فيها شاشة ديجيتال مرسوم عليها كل أنواع الأكل وبتختار منها نوع الأكل والحرارة من 80 ل 200 درجة وبتختار الحرارة والتوقيت يدوي ومع الاستخدام اكتشفت ان مش كل البرامج بتظبط صح وبقيت أظبطها يدوي، في أكلات طعمها بيتغير ودا مع كل أنواع القلايات لكن لما بضيف برش الأكل ببخاخة الزيت بيفرق.