شفت ثلاجه ال جي دي في معرض أجهزة مع أنواع تانية كتير والحقيقه عجبتني جدا من ضمن ثلاجات كثير قوي، حجمها حلو وتوزيعها رائع وتكنولوجيا بتاعتها قويه، فيها خاصيه تعقيم بتمنع الروائح الكريهه وبتمنع اختلاط الروائح في الثلاجه، وبتحافظ على الأكل والخضار طازه لفتره طويلة، وتتحكم في درجات الرطوبه بشكل اوتوماتيك، سريعه جدا في تجميدها بتجمد في نصف ساعه، الرفوف فيها قويه جدا ومميزه وبتتحمل اوزان ثقيله، فيها مكان لمكعبات الثلج، والفريزر مقسوم برف داخلي بيدي مساحه اكبر وتقدر تستغنى عنه، الثلاجه ديجيتال بس خلي بالك لو حصل خطا في لوحه التحكم الرئيسيه بيعمل اخطاء عشوائيه في الثلاجه، وفي حاجات لازم تاخذ بالك منها انك ما تحطش اكل سخن في الثلاجه علشان ما يبوظش نظام التعقيم الاوتوماتيك ومتستخدمش درجه حراره تبريد اكثر من اللازم علشان ما تسربش فريون، وفيها عيب ان الموتور بيبقى صوته عالي نوعا ما قطع غيارها غاليه ومش دائما متوفرة.
مراجعات ال جى ثلاجة 516 لتر ديجيتال نوفروست سيلفر GN-H622HLHU