مميزات وعيوب مكنسة فريش فاستر، 1600واط- احمر

• 

  Mona El Bagoury

  (6 سنة, 5 أشهر ago)

  المكنسة دي خفيفة الوزن وصغيرة وده بيخليها مثالية للاستخدام في المناطق الصغيرة، وكمان قوتها عالية هتخليك قادر على تنظيف البيت كله بسرعة وسهولة وكفاءة عالية، وفيها نظام فلتر هواء من النوع هيبا الصديق للبيئة عشان يقدر ينقي الهواء الخارج من المكنسة من أي بكتيريا بكفاءة عالية، وكمان مؤشر عشان يصدر ضوءبمجرد امتلاء كيس الأتربة وحاجته للتفريغ. المكنسة بتتميز بوجود كيس للأتربة مصنوع من القماش ومن السهل فكه تنضيفه وتركيبه مرة تانية، بس سعة الكيس ده قليلة لأنها مش بتقدر تجمع غير 3.5 لتر من الغبار والأتربة، وكمان سلكها بيُعتبر مش طويل قوي وده بدوره هيخليك تغير مكان الفيشة بتاعة المكنسة كل شوية عشان تقدر توصل بيها لأماكن كتير. المكنسة مزودة بأنبوب تلسكوبي مصنوع من الألومنيوم، اللي بدوره مكون من قطعتين، عشان يسهل تعديله ليتناسب مع الارتفاع المطلوب، وكمان من الممكن تحريك المكنسة في كل الزوايا وده بفضل أنها مزودة بأربع عجلات صغيرة تتحرك بدوران 360 درجة، والتحكم في قوتها عن طريق مفتاح تغيير السرعات. فريش بتقدم خدمة عملاء مميزة وسريعة لعملائها وكمان توكيل الشركة هيقدر أنه يحللك أي مشاكل أو عيوب في الصناعة أو عطل في المكنسة خلال فترة الضمان من غير ما تدفع أي مصاريف، أما بقى لو احتجت لأي قطع غيار فهتلاقيها متوفرة في كل منافذ بيع شركة فريش.